【土耳其 🇹🇷 卡須】香港都有好多街貓，但係嚟到土耳其真係另一個貓世界。隻隻貓都好健康靚仔，又唔怕人。究竟點解呢 😺？
.
本地人話，儘管佢哋響政見、宗教、種族、民族意識都可能有所不同，但係一講到貓就無人會有異議 — 一個字：愛！
.
土耳其人愛貓好大成數係宗教原因。因為響伊斯蘭教裡面，貓係極乾淨嘅（教義裡面有話：貓尿比狗口水仲乾淨... 呢個堅唔公平）。仲有先知穆罕默德都係愛貓人士，信徒自然都照跟。
.
響土耳其，好多商店、酒吧食肆、咖啡店、甚至政府部門同博物館都會有貓自出自入。好似呢間響卡須Kaş賣銀飾嘅舖頭，呢隻貓每朝都會響門前等佢開舖，所以店員Azra就放貓糧、水同貓床俾佢。久而久之隻貓就成為間鋪嘅一部分。好多市民都以照顧流浪貓為己任，除咗喂食以外，仲會眾籌幫貓貓做絕育手術添。
.
土耳其真係超有愛呀 🥰
.
.
.
.
.
.
.
#豁出去漫遊不通知親友 #土耳其 #艾菲索斯 #伊斯坦堡 #貓 #卡須
.
#旅遊 #旅遊攻略 #旅遊日記 #旅遊達人#hktravelblogger #旅遊資訊 #女遊人 #女遊神 #hongkong #ilovehongkong #hkig #hkstyle #hkigers #hongkonger #hktraveler #周圍移 @ Kaş
Search